📜 Le Régime de Santé par Guy Parat (vers 1459)
f° 1
S’ensuyt la table de ce present traicté, lequel traicte et enseigne comment l’en puet entretenir le corps en santé. Et contient trois traictez.
Le premier traicté se devise en quatre chappitres.
Le premier chappitre desclaire la neccessité garder la santé.
Le second chappitre enseigne quelle chose est santé.
Le tiers chappitre monstre comment l’en se puet engressier.
Le IIIIe chappitre mect la maniere de soy amaigrir.
Le second traicté se part en XX chappitres.
Le premier chappitre traicte de la conservation de la santé du chief.
Le seccond chappitre parle de la conservation des yeulx.
Le tiers chappitre traicte de la conservation de l’oye et de ses aureilles.
Le IIIIe chappitre parle de la conservation du sens de odourer et des narines.
Le cinquiesme chappitre traitte de la conservation de la bouche.
f° 1v°
Le sixiesme chappitre parle de la conservation de la langue.
Le septiesme chappittre traitte de la conservation du conduit par ou passe la viande et du buseau du poulmon par ou passe l’alainne.
Le huitiesme chappitre parle de la conservation du poulmon.
Le IXe traitte de la conservacion du cuer.
Le Xe chappitre parle de la conservation de l’estomac.
Le XIe chappitre traicte de la conservation du foye.
Le XIIe chappittre parle de la conservation de la rate.
Le XIII chappitre traitte de la conservation des intestines et boyaulx.
Le XIIIIe chappitre parle de la conservation des reins.
Le XVe chapitre traitte de la conservation de la vessie.
Le XVIe chapitre parle de la conservation du fundement.
Le XVIIe chapitre traicte des emorroydes et brochetz.
Le XVIIIe chapitre traicte de la maladie des joinctures,
f° 2
que nous appellons la goutte.
Le XIXe chapitre traitte de la conservation des membres genitoires ; et demande en ce pas, si estre en compaignee de femme vault a entretenir le corps en santé.
Le XXme chapitre parle de la conservation des membres de dehors.
Le tiers traitté enseigne comment on puet entretenir le corps en santé par six choses non naturelles. C’est assavoir : air, viande, bruvaige, mouvement et repos, dormir et veillir, inanition ou vuidements, et les accidens de l’amme.
Et contient sept chapitre :
Le premir [sic] chapitre traicte de l’air.
Le second chapitre parle des bruvaiges et viandes, c’est assavoir :
- du pain,
- des potaiges comme sont aches,
- des febves,
- des poys,
- d’une maniere des petiz poys appellez fascroli,
- des lentilles.
Chapitre des fruitz, c’est assavoir :
- des figues,
- des meures,
- des prunes,
- des pesches,
- des crisonrilles et avant pesches,
f° 2 v°
- des poires,
- des pommes,
- des neffles,
- des noix,
- des pignolatz,
- des dades.
Des herbes froides :
- de la laictue,
- des bettes,
- des espinars,
- de la pourcelaine,
- de la coucourde,
- des choulx,
- des bouraches.
Des herbes chauldes :
- du fenoul,
- de l’appe,
- du roquet,
- du cresson,
- de la saulge,
- de l’ysoppe,
- de la mente.
Des racines :
- des pourreaulx,
- des aulx,
- des ongnons,
- des radix, qu’on appelle raffanus,
- des patenaies,
- des rabes et naveaulx,
f° 3
- des champegneux,
- des truffes.
De la char des bestes a quatre piedz et de leurs parties :
- du cuer,
- du poulmon,
- de l’estomac,
- de la rate,
- du foye,
- des membres genitoires.
De la difference des membres :
- des parties de la char,
- de la langue.
De la char des volletilles.
Des petiz oyseaulx.
Des limatz, que nous appellons lymaçons.
Des poissons,
des lamproies.
Des superfluites des bestes :
- des oeufz,
- du lait,
- du formmaige,
- du beurre.
Des confections et condimens :
- des saulces,
f° 3v°
- des vinaigres.
S’ensuyvent aucunes questions touchans le regime du mangier.
La premiere question est : quant et a quelle heure on doit mangier?
La seconde question est : combien on doit mangier a chascun repas?
La tierce question est : si on doit mangier pluseurs mes a son repas ou ung seulement?
La IIIIe question est : quelles viandes on doit mangier au commencement du repas et quelles en la fin?
La cincquiesme question est : quantes foiz le jour on doit mangier?
La sixiesme question est : en quel temps on doit plus mangier?
La septiesme et derreniere question est : a quelle heure on doit prendre son repas?
Le troysieme chapitre traicte du mouvement et repos :
- des frotures,
- des baings.
Le quatriesme chapitre parle du dormir et veiller.
f° 4
Le cincquiesme chapitre traicte de replection et monition ou vuidement.
Le sixiesme chapitre parle des accidens de l’ame.
Le septiesme chapitre traicte des saignees. Et ensemble met dix questions:
- La premiere question est : si pour soy maintenir en santé est neccessaire a soy faire aucuneffois saigner?
- La seconce [sic] question est : en quel eage la saingnier est plus proufitable?
- La troysiesme question est : de quelles vaines l’en se doit mieulx faire saingnier?
- La quatreisme [sic] question est : en quel temps il vault mieulx soy faire saingnier?
- La cincquiesme question est : combien on doit oster de son sang a une foiz?
- La sixiesme question est : quelle heure on doit choisir pour soy faire saigner?
- La septiesme question est : s’il est bon a ceulx qui oeuvrent de oeuvre charnelle soy faire saingner?
- La VIIIe question est : en quelle complexion l’en se puet mieulx et plus seurrement faire saingner aulcune personne?
f° 4v°
- La IXme questien [sic] est : en quel jour il fait meilleur saingner, c’est assavoir en jour sec ou pluvieux?
- La Xme et derreniere question est : quelles maladies puet venir par soy faire trop souvent saigner?
Responce a la premiere question.
Responce a la seconde question.
Responce a la tierce question.
Responce a la IIIIe question.
Responce a la Ve questien.
Responce a la sixme question.
Responce a la septiesme question.
Responce a la VIIIe question.
Responce a la IXe question.
Responce a la Xme question et derreniere.
Cy finist la table de ce present livre tres excellent, nommé le Regime de santé.